புலிகளின் கொழுப்பு செக்ஸ் பிரச்சனைக்கு மருந்தாகுமா?

புலிகளின் “ஃபிங்கர் பிரிண்ட்” அதன் தோலில் உள்ள வரிகள்!!

8 முதல் 10 அடி நீளமும் 250 கிலோ முதல் 300 கிலோ வரை எடையும் உள்ள ஒரு கட்டுமஸ்தான உடலை கொண்டதும் ஃபெலிடே(Felidae) குடும்பத்தை சேர்ந்த உறுப்பினரும் ஆன பேந்தேரா டைகிரீஸ் (Panthera tigris), வகையை சேர்ந்ததுதான் நம்ம ஊர் புலிகள்!  இது தன் தீவிரவாதத்திற்கு பயன் படுத்தும்  முக்கியமான ஆயுதம்கோரைப் பற்கள்! அதன் 4 இஞ்ச் நீளம் இருக்குமாம்!!

ஆதி காலத்தில் சைபீரியா தீவிலிருந்து பொடி நடையாய் நடந்து,  அசாம் காடுகள் வழியாக தனது பரிவாரங்களுடன் இந்தியா வந்ததாக சைபீரியாவில் கிடைக்கப் பெற்ற தொல்பொருள் ஆராய்சி மண் படிமங்களை கொண்டு கூறப்படுகிறது.

9 வகையான புலி வகைகள் இருந்தாலும் இந்திய புலிகளும் சைபீரியா புலிகளும்  மிகவும் பிரசித்தம்!

சைபீரியன் புலி

இந்திய பெங்கால் பெண் புலி தனது குட்டியுடன் (Cub)

                 பொதுவாக 10 முதல் 12 ஆண்டுகள் வரை உயிர் வாழ்ந்து புலிகள் மற்ற உயிரினத்தின் அடி வயிற்றில் புளியை கரைக்குமாம் !. ( கொட்டை உள்ள புளியா? கொட்டை எடுத்த புளியா?-எனது நண்பர் Dr.சந்துருவின் கேள்வி! இவரின் லொல்லு தாங்கமுடியவில்லை! இவரை பற்றி தனியாக ஒரு பதிவு தனியாக எழுத வேண்டும்!)  அடர்ந்த வன பகுதியில் வாழும் புலிகள் என்றால் அவைகள் 20 ஆண்டுகள் கூட வாழ்ந்து தொலைக்குமாம்.

சிறிது தண்ணீர், நல்ல நிழல், சாதுவாக இருக்கின்ற ஏமாந்த உயிரினங்கள் இருக்கும் வனப் பகுதிதான் புலிகளுக்கு மிகவும் பிடித்தமான வனப் பகுதி! புலிகளுக்கு பிடிக்காத வனம் எது? என்றால் அது பாலைவனம்தான்!

புலிகள் அழகா?  அல்லது அதன் மேல் உள்ள வரிகள் அழகா?

புலிகளுக்கு அதன் மேல் வரையப்பட்டுள்ள மாடர்ன் ஆர்ட் வரிகள்தான் அதற்கு தனி அழகு!

ஒரு ஆராய்சியாளர் அவைகளை மெனக்கெட்டு எண்ணி அவைகள் 100 க்கு மேல் உள்ளது என கூறியுள்ளார். இதில் அப்படியா? என மூக்கின் மேல் விரல் வைத்து கேட்கும் செய்தி என்னவென்றால் ஒரு புலியின்  மேல் உள்ள வரிகளின் அமைப்பு போல் மற்றொரு புலிக்கு இருப்பதில்லையாம்! பேட்டண்ட் உரிமை பெற்றுள்ளது! மனிதர்களின் ஃபிங்கர் பிரிண்ட் போல்!! புலிகளின்  முடியை சேவ் செய்து பார்த்தாலும் வரிகள் அமைந்த இடம் துல்லியமாக தெரிகிறது. ‘பொழப்பு இல்லை’ என்றால் எல்லாவற்றையும் செய்து பார்த்து விட வேண்டியதுதானே?

ஆண் புலியும் பெண் புலியும்:-

பெண் புலியை விட 1.7 மடங்கு அதிகம் எடை கொண்டது கடோர்கஜன் ஆண் புலி! பெண் புலியும் அதைப் பற்றி கவலை படாமல் ஏகத்து ஆண் புலியை விரும்புகிறது!

ஆண் புலியின் முன்னங்கால் பாதம் பெண் புலியை விட அதிகமாக இருக்கும்! (இதன் தாக்குதலில் ஒரு மாட்டின் தலையை  ஒரே அடியில் நொறுங்கிவிடும்! நாக் அவுட்) .புலிகளின் பாதச் சுவடுகளை வன பகுதியில் காணும்போது  இந்த பாய்ண்ட்யை வைத்துதான் அது பெண் புலியின் கால் தடயமா? அல்லது ஆண் புலியின் முன் பாத தடயமா? என கண்டறிவார்கள்!!

கலர் கலராக புலிகள்!

வெள்ளை புலிகள்!

ஜீன்களின் அதிரடி மாறுதல்களால் ( Mutation) ஏற்பட்ட வகை!

இவைகளுக்குள் இனச் சேர்க்கை செய்தால் குறைபாடு உள்ள குட்டிகளே பிறக்கிறது! என்பது கூடுதல் தகவல்!

ரெகுலர் புலிக்கு கண்களின் பாப்பா ( Iris) மஞ்சள் நிறம் , வெள்ளை புலிக்கோ நீல  நிறம்!! நடிகை ஐஸ்வர்யா கண்ணின் நிறம் எதற்கும் இல்லை!

தங்க நிற புலி

தங்க நிற புலி! ( Strawberry Tiger) யும் இருக்கிறது.

இன்னும் கருப்பு நிறத்தில் (Maltese Tiger), நீல நிறத்தில் (black tigers), எல்லாம் புலிகள் இருக்கிறது என சொல்லப்படுகிறது. எல்லாமே மியூட்டேஷன் தான்! தனி இனம் இல்லை!!

புலிகளின் இருட்டில்  பார்க்கும் திறன் நம்மை விட 7 மடங்கு அதிகம். நன்றாக நீந்தும் திறன் உடையது!

புலிகளின் காதின் பின்புறம் ஒரு வெள்ளை புள்ளி மச்சம் போல இருக்கும்! (ocelli,)! அதைக்கொண்டு புலிகளை என்ன மனநிலையில் உள்ளது என கண்டுபிடிக்க முடியும் என்கிறார்கள் ஆராய்சியாளர்கள்.

ஒரு பெண்ணின் மனநிலை தற்பொழுது  எவ்வாறு உள்ளது என கண்டறிய ஏதேனும் சூட்சமம் இருக்கா?

வேட்டையாடு விளையாடு! புலிகளின் எண்ணிக்கையோ தடுமாற்றம்!!

புலிகளின்  கொழுப்பு, விந்து துரிதஸ்கலிதம் ( Pre Mature Ejaculation) பிரச்சனைக்கு தீர்வு! புலியின் ஈரல், வீரியத்தை அதிகப்படுத்துகிறது என பல விநோத பயன்பாடு மனிதர்களுக்கு!!

புலிகளின் காலர் எலும்பு சிலரின் கல்லாவில் அதிர்ஷ்டம் தரும் ஐட்டமாக பத்திரமாக உள்ளது! ஆனால் அதிர்ஷ்டம் வந்ததா என்று தெரியவில்லை!

மேலும் புலி நகம் பொருத்திய டாலர், அதன் தோல் மற்றும் எலும்புகள் மூலம் ஆபரண பொருட்கள் என மனிதனின் பயன்பாடுகள், மனிதன், புலிகளை வேட்டையாட பல காரணிகளாக அமைந்து புலிகள் வேட்டையாடப்பட்டு தற்பொழுது புலிகளின் எண்ணிக்கை வெகுவாக குறைந்துவிட்டது!

லண்டன், அமெரிக்கா போன்ற நாடுகளில் நடைபெறும் பார்ட்டிகளில் டைகர் ஒயின் என்ற சிறப்பு மெனுவாக இருக்கும்! பட்டி தொட்டியல்லாம் புகழ் பெற்ற  டைகர் பாம், டைகர் ஒயின் ஆகியவைகள் புலிகளின் உறுப்புகள் மூலம்தான் தயார் செய்யப்படுகிறதாம்! சைனா, தைவான் போன்ற நாடுகளில் இவைகளை தயார் செய்யவே ஏராளமான ரிஜிட்டர்டு இன்டஸ்டரிகள் உள்ளனவாம்.இங்கு மட்டும் ஆண்டிற்கு 200 புலிகள் தேவைப்படுகிறதாம்.

புலிகளின் எண்ணிக்கை குறைந்து வருவதால் இயற்கை ஆர்வலர்கள் வேண்டுகோளுக்கிணங்கி தற்பொழுது தடை செய்யப்பட்டுள்ளதாக கேள்வி!

எனவே தற்பொழுது மார்க்கெட்டில் கிடைக்கும் டைகர் பாம்? பூனை பாம்?

குறைந்து வரும் புலிகளின் எண்ணிக்கை அதிகரிக்க லண்டனில் உள்ள வனவிலங்கு ஆராய்ச்சி மூலம் சுமட்ரான் இன (Sumatran tiger) புலிகள் உற்பத்தி  செய்யப்பட்டு பிற நாடுகளுக்கு அனுப்ப படுகிறது.

சுமட்ரான் இன புலி

அமுர் (Amur) இன புலிகளை குளோனிங் முறையில் உற்பத்தி செய்து வெளியிடலாமா? என கொரியர்கள்  ரூம் போட்டு யோசனை செய்து கொண்டிருக்கிறார்கள்!

எப்படியோ அழிந்து வரும் புலிகளின்  எண்ணிக்கை அதிகம் ஆனால் நல்லதுதான்!